Formación e asesoramento para mellorar o posicionamento do

Xeoparque Cabo Ortegal

en Google Travel

Acción promovida pola Deputación da Coruña e financiada pola UE - Fondos NextGenerationEU.

Descrición do programa

Obxectivos do programa

O programa ten como obxectivo mellorar a competitividade e visibilidade das empresas turísticas do Xeoparque Cabo Ortegal, potenciando a súa presenza en plataformas dixitais como Google Travel, Google Maps e TripAdvisor. Ademais, promove a colaboración público-privada, a formación en marketing dixital e a sustentabilidade, fortalecendo a cohesión territorial e a atracción de visitantes ao destino.

Beneficiarios

O programa está dirixido a empresas turísticas locais do Xeoparque de Cabo Ortegal, así como a axentes públicos e privados vinculados á promoción do destino e emprendedores. Tamén se enfoca en pequenas e medianas empresas do sector turístico que queiran fortalecer a súa visibilidade, competitividade e estratexia dixital.

Es unha das pezas clave do novo turismo no Xeoparque de Cabo Ortegal? Agardámoste!

Que ofrece o proxecto?

O proxecto ofrece formación integral e asesoramento personalizado para mellorar o posicionamento e a comercialización en liña das empresas turísticas do destino. Inclúe formación avanzada en SEO, SEM e mercadotecnia dixital, acceso a ferramentas e recursos prácticos, creación de campañas dixitais eficaces en Google Travel, Maps e redes sociais, e apoio continuo mediante titorías e unha plataforma en liña de seguimento.

Estrutura do programa

Formación

O programa ofrece formación práctica en márketing dixital para o sector turístico, enfocada en mellorar a visibilidade en liña. A través de 11 obradoiros híbridos, os participantes aprenderán a optimizar o seu posicionamento en Google My Business, creando perfís mellorados e atraendo clientes locais. Tamén se ensinará a crear publicacións atractivas en redes sociais como Facebook e Instagram e a xestionar as reseñas en plataformas como Google ou TripAdvisor para mellorar a reputación dixital. O obxectivo é que cada participante mellore a súa presenza dixital e atraia novos públicos.

Asesoramento

Cada empresa recibirá un asesoramento personalizado, onde se realizará un diagnóstico do posicionamento actual e se darán recomendacións específicas para mellorar a súa web, redes sociais e reputación en liña. Durante as sesións, traballarán na optimización do perfil de Google My Business e na creación de contidos xeolocalizados para atraer turistas. Ao finalizar, cada empresa terá un plan de acción estratéxico adaptado ás súas necesidades, cun seguimento continuo e axustes segundo os avances.

Seguimiento

Esta fase céntrase no seguimento e avaliación dos resultados para garantir o cumprimento dos obxectivos de posicionamento dixital. Inclúe unha avaliación continua do rendemento das campañas, das redes sociais e do SEO, con axustes estratéxicos baseados nos KPIs definidos. Entregaranse informes periódicos cos avances, as áreas de mellora e novas recomendacións. Ao peche, cada participante recibirá unha memoria final que resumirá as accións realizadas, os resultados obtidos e as propostas para dar continuidade ao traballo a longo prazo.

Duración do programa

Formación do programa

Obradoiros formativos

Obradoiro 1: Plan de comunicación e storytelling

Guía a creación de mensaxes coherentes e narrativas auténticas que fortalezan a identidade do destino ou empresa turística.

Obradoiro 2: O cliente dixital e estratexias para millennials e xeración Z

Analiza os novos perfís de viaxeiros dixitais, os seus hábitos de consumo e como adaptar a comunicación e a oferta turística ás súas expectativas e comportamentos.

Obradoiro 3: Email marketing e embude de vendas

Explica como deseñar estratexias de comunicación directa, automatización e fidelización a través do correo electrónico e da xestión de bases de datos.

Obradoiro 4: Relacións con medios e relacións públicas

Desenvolve habilidades para xerar cobertura mediática, xestionar notas de prensa e construír relacións sólidas con medios e creadores de contido.

Obradoiro 5: Vídeo marketing e contido multimedia

Profundiza na produción e difusión de contidos audiovisuais para inspirar, atraer e fidelizar aos viaxeiros, empregando ferramentas accesibles e formatos atractivos.

Obradoiro 6: Estratexias avanzadas de visibilidade dixital

Explora técnicas para mellorar a presenza en liña de destinos e empresas turísticas mediante ferramentas de posicionamento, optimización de perfís e estratexias multicanle.

Obradoiro 7: SEO avanzado e ferramentas de analítica (Google Analytics e Search Console)

Ofrece coñecementos prácticos para mellorar o posicionamento orgánico, medir o rendemento web e optimizar a experiencia do usuario.

Obradoiro 8: Publicidade en buscadores (SEM) e camañas de Google Ads

Ensina a deseñar, segmentar e optimizar campañas de pago en Google Ads para atraer tráfico cualificado e aumentar a conversión.

Obradoiro 9: Publicidade en redes sociais (Social Ads)

Aborda a creación de campañas efectivas en Facebook, Instagram, TikTok e LinkedIn, cun foco especial na segmentación, creatividade e medición de resultados.

Obradoiro 10: Innovación e tendencias en marketing turístico

Presenta as últimas tendencias tecnolóxicas aplicadas ao turismo, como a realidade virtual, os chatbots e a intelixencia artificial, para anticipar o futuro do marketing turístico.

Obradoiro 11: Xestión de reputación en liña

Capacita na monitorización e xestión de opinións en plataformas dixitais, fomentando a resposta efectiva e a mellora continua do servizo.

Preguntas frecuentes

Estas son algunhas das preguntas máis frecuentes que recibimos.

Qué duración terán as xornadas presenciais?

Duran 4 horas que pasan voando! Son dinámicas, prácticas e tan entretidas que cando te decatas… xa estás desexando que chegue a seguinte! Aprender nunca foi tan áxil e divertido.

Onde son as xornadas presenciais?

As xornadas serán na Casa da Xuventude, no Concello de San Sadurniño. Alí vos agardamos con moita ilusión, ideas frescas e café (do bo)!

Cal é o horario das xornadas online en directo?

Conéctate de 17:00h a 19:30h nos días que aparecen no calendario anterior. Prepara o teu dispositivo, busca un sitio cómodo… e aló imos! Tes a ligazón no apartado "Plataforma de formación".

Cal é o horario das xornadas presenciais?

A primeira xornada, o 6 de novembro, será pola mañá de 10:00h a 14:00h.

As seguintes serán pola tarde, de 16:00h a 20:00h, segundo o calendario do programa.

Xa estamos contando os días para vervos en San Sadurniño!

Coñece aos nosos formadores